Непријатното зуење во ушите во некоја фаза од животот е присутно кај повеќе од третина од луѓето, а секој стотти има сериозни проблеми.
Познати фактори на ризик за тинитусот се интензивна бучава, повреди на главата и користење на некои лекови, но сепак во многу случаи причините не се познати.
Новите наоди на научниците од Харвард се базираат на податоци собирани во текот на 18 години од околу 65 000 жени на возраст од 30 до 44 години.
Во просек испитаничките кои дневно внесувале помалку од 150 мг кофеин ( околу 1,5 шолја кафе ) имале 15% поголем ризик за тинитус отколку учесничките во истражувањето кои дневно консумирале помеѓу 450 и 600 мг кофеин.
Истражувачите веруваат дека добиените податоци можно е да се објаснат со влијанието на кофеинот на функцијата на внатешното уво.
извор:metro-portal.hr
