Здружението на новинарите на Македонија (ЗНМ) ја поздрави одлуката на двете најголеми партии, владејачката ВМРО-ДПМНЕ и опозицискиот СДСМ, да ги повлечат од емитување спотовите во кои новинари се користат за политичка пропаганда.
Како што се наведува во соопштението ЗНМ, новото раководство изразува надеж дека со оваа одлука ќе се заштити дигнитетот на новинарите и ќе спречи нивно злоупотребување во пресметката меѓу партиите.
„Се надеваме дека одлуката доследно ќе ја применуваат сите партии и во иднина нема да се користат новинарите и медиумските работници во партиски цели. Изразуваме задоволство што двете партии го прифатија нашето укажување дека од ваквиот начин на комуникација сите сме губитници“, се наведува во соопштението на ЗНМ, од каде изразуваат подготвеност да придонесат во создавањето на коректниот демократски амбиент.
OhridNews
