Во врска со фото веста што до нашата редакција ја испратија група граѓани во која беше посочено дека наместо националното знаме на предавател на АРМ поставен на Галичица се вее знаме на соседна Бугарија, со демант се огласи Министерството за одбрана, односно Генералштабот на армијата. Во него не се оспорува автентичноста на фотографиите, но се појаснува дека објектот не е на АРМ, туку на приватна компанија:

„Имено, објектот кој се гледа на фотографиите, не е во сопственост на АРМ, туку истиот е сопственост на фирмата ,,Макпетрол – ТЕАС“. Без намера да ја коментираме содржината на текстот, во оваа прилика сакаме  јасно да укажеме дека објекатите кои АРМ ги има во употреба, се  обезбедени во согласност со законските и правилски регулативи, со кои се пропишани обврските на Армијата во кои секако спаѓаат: употребата на знамето на Република Македонија, физичко обезбедување, редовно одржување на чистотата и уредноста и друго“.

АРМ апелира во иднина информациите кои се однесуваат на амријата да се проверуваат за во  јавноста да не се создава погрешна слика за АРМ и нејзиниот однос кон објектите кои ги користи.


Предавателот не бил на АРМ ама знамето било вистинско

Ohridnews