Охридската екипа составена од десетина ски и сноуборд ентузијасти, членови на велосипедскиот клуб Зш Точак, викендов го поминаа на Копанки учествувајќи на Пелистерскиот велеслалом.
Екипата се закити со еден златен медал од победничката Еми Тасеска, која го освои првото место во категорија жени од 16 до 30 години.
Останатите се задоволија со паролата важно е да се учествува и да се даде поддршка на ваков спортски настан. Имено Охридските зависници од снег се следните домаќини на интересна авантура.
Во најава се два предизвикувачки викенди за фри рајд на Галичица и Јабланица со пролетен снег и пред велигденско расположение.
Ohridnews
