Женскиот ракометен шампион во Македонија, Вардар и Алена Ихнева спогодбено го раскинаа договорот и руската интернационалка стана слободен играч.
Ихнева игра на позицијата лев бек и дојде во Вардар пред две сезони. Заедно со екипата двапати ја освои двојната круна во Македонија, и двапати играше на Ф4 турнирот во лигата на шампионите освојувајќи го бронзенот медал.
– Ихнева изрази желба да замине, и тоа клубот го почитува давајќи и можност да продолжи во друга спортска средина. Две сезони ги бранеше боите на Вардар, и клубот е среќен што во своите редови имаше таков играч. На Алена и посакуваме многу среќа во спортската кариера и животот. – изјави Давор Стојаноски, извршниот директор на Вардар.
Минатата сезона во Лигата на шампионките Ихнева постигна 15 гола, а во првата сезона 26.
Ohridnews
