Жителите во руралните средини да плаќаат надомест од 100 денари за јавна чистота, а сопствениците на викенд куќите паушал во висина од 400 денари годишно. Ваков предлог доставила Месната заедница од с. Куратица до Ј.П. „Охридски Комуналец“, откако неодамна двете страни на заедничка средба се договорија да бидат извршени одредени измени во наплатата на услугите на јавното претспијатие, за што е потребна и одлука на Советот на општината.
Од месната заедница на с. Куратица изразуваат надеж дека организиираното подигање на сметот од руралните средини ќе продолжи, а Советот ќе донесе одлука со која ќе се корегираат цените на услугите на јавното комунално претпријатие за жителите на охридските села, при што предвид ќе се земе нивната економската положба.
Предлогот за утврдување на надоместок за јавна хигиена во руралните средини е доставен до Советот на општина Охрид, Градоначалникот и Ј.П. „Охридски Комуналец“.
OhridNews
