И покрај апелите на жителите од уличката која ги поврзува булеварот „Туристичка“ и улицата „ Даме Груев“ да се асфалтира, тие и понатаму, кога времето е врнежливо, се принудени да одат по раскопана и каллива улица.
Станува збор за уличка во должина од околу 40 метри, која се наоѓа во непосредна близина на старото кино, за што уште пред една година пишуваше OhridNews.
– Во 21 век оваа уличка е без улично осветлување, без атмосферска канализација, а во дождливо време е целата во кал, бидејќи не е асфалтирана. Неколку пати имаме доставено барање до општината, но досега не е ништо направено, велат жителите.
Тие информираат дека пред еден месец до локалната самоуправа повторно доставиле барање, но сеуште не добиле одговор.
OhridNews
