Жителите на стариот дел на градот упатија писмено барање до надлежните во Секторот за внатрешни работи – Охрид,  во кое бараат решавање на проблемот со сообраќајниот хаос кој, како што велат,  владее во центарот на Охрид во туристичкиот шпиц.


„Реално се соочуваме со секојдневен проблем и не можеме од паркирани возила  да ја користиме улицата ,, Македонски Просетители“  за поминување. Исто така паркираните возила на забранетиот простор за паркирање ја нагрдуваат сликата на Охрид“ стои меѓу другото во писмото на кое се потпишани повеќе граѓани и членови на градскиот Совет.


Копии од писмото се испратени до началникот на Секторот за внатрешни работи – Охрид,  Стефан Буџакоски, командирот на ПС – БПС Страшо Миленкоски Страшо и командирот на ПС Добре Петрески, од кои жителите на Стар град бараат решавање на проблемот.


Жителите од Стар град бараат решавање на сообраќајните проблеми

Ohridnews