Жесток протест во Њујорк, соживотот во САД на испит

Освен сеќавањето на жртвите од терористичкиот напад на Њујорк и Вашингтон, деветгодишнината од нападот на Светскиот трговски центар, беше одбележана и со протест против изградба на исламски центар во близина на местото на тажниот настан, а еден од учесниците во протестот ги палел страниците од Куранот, јавува„Макфакс“.

Отакако пасторот Тери Џонс се откажа од спалување на Куранот, вчера еден од демонстранитите кинел страници од Куранот и ги палел.

Видеото е објавено на Јутјуб со предупредување дека се работи за потенцијално навредлива и непримерна содржина.
Стотици лица учествувале на вчерашниот протест, а бројот на демонстрантите бил приближно колку бројот на оние граѓани кои минатата недела излегле во знак на поддршка на изградба на исламски центар, кој воедно го поддржа и американскиот претседател Барак Обама.

Њујоршката полиција во непосредна близина на некогашниот СТЦ раздвојувала две групи на демонстранти, кои застапувале спротивни ставови. Иако ситуацијата била на работ на ескалација, до физички судири не дошло.