Жерар Депардије би требало да го глуми Доминик Штрос-Кан, а Изабел Адани неговата сопруга Ан Сенклер, во новиот филм за секс скандалот, кој бил причина за завршувањето на политичката кариера на поранешниот директор на Меѓународниот монетарен фонд. Намерата на продуцентите е да направат слободна адаптација на скандалот кој со седмици беше во центарот на вниманието кај светската јавност.
Во филмот името на поранешниот директор на ММФ не би било споменувано, но содржината на филмот би била инспирирана од аферите во кои бил заплеткан францускиот политичар. Режијата и сценариото би требало да му бидат доверени на американскиот режисер Абел Ферари, авторот на контраверзниот филм „Лошиот поручник“ од 1992 година.
