Земјотрес со магнитуда од 5,0 степени по Рихтер, денес, го погоди Средоземјето во близина на југозападниот брег на Грција, соопшти референтниот американски Геофизички институт УСГС. Засега нема известување за евентуални настрадани или материјални штети. Земјотресот се случил во 7,42 часот по македонско време, на 55 километри југозападно од крајбрежниот град Каламата на Пелопонез.

Епицентарот е регистриран на околу 15 километри јужно од градот Метони на брегот од Јонското Море. Жариштето на подземниот удар е регистрирано на длабочина од 37 километри.

Претходно во неделата недалеку од грчкиот остров Закинтос е регистриран земјотрес со магнитуда од 4,9, степени по Рихтер. Според првичните податоци нема пријавени повредени.

OhridNews
Makfaks