Само 7.144 луѓе вчера беа евакуирани од украинските градови, соопшти украинскиот претседател Володимир Зеленски во своето последно телевизиско обраќање, што е значително помалку отколку во претходните два дена.
Зеленски ја обвини Русија дека ги спречува луѓето да го напуштат опколениот град Мариупол и рече дека властите ќе се обидат денеска да достави храна и лекови во градот.
Речиси 40.000 луѓе во четвртокот напуштија повеќе градови преку хуманитарни коридори, а 35.000 успеале да избегаат во средата, соопштија украинските власти.
Зеленски рече дека вчера успеале да избегаат жители на Чернигов, Енергодар, Хостомел и Козаровичи.
OhridNews
