Наставниот кадар по биологија и географија од денеска до 28-ми овој месец во хотелот “Инекс Горица” се обучува да го користи Зелениот пакет, проект којшто треба да се имплементира во основните училишта од почетокот на новата учебна година.
Станува збор за мултимедијален едукативен проект кој вклучува прирачници, брошури, аудио-визуелен материјал и игри на теми од областа на животната средина.
Зелениот пакет, според новата наставна програма на Бирото за развој на образованието е препорачан за употреба во сите основни училишта во државава, а е печатен на македонски и на албански јазик.
Министерствата за животна средина и просторно планирање и за образование и наука ја реализираат оваа содржина во соработка со Регионалниот центар заштита на животната средина за Централна и Источна Европа. Вкупниот буџет на изнесува 360. 800 евра, од кои 321 000 ги донира австриската Влада, а со 39. 800 евра учествуваа двете македонски министерства.
А. Ристоска
