Раководството на ФФМ и селекторот на фудбалската репрезентација на Македонија, Сречко Катанец, се договорија спогодбено да го раскинат договорот со што заклучно од 1. Април 2009г. престануваат сите обврски на комплетниот стручен штаб на националниот тим.
До ваквиот епилог дојде по разговорите помеѓу претседателот на ФФМ, Хари Хаџи-Ристески и Катанец и заклучокот дека атмосферата во националниот тим од пред средбата со Холандија не е на потребното ниво што може негативно да влијае врз продолжението од квалификацискиот циклус и одигрувањето на важните средби со Норвешка и Исланд во Јуни.
