Владата планира да ги зголеми казните за непочитувачите на законот за пушење, информираат владини извори.
На последната седница Владата го задолжила Министерството за здравство да пристапи кон подготовка на измени на законот, со кои, покрај досегашните парични казни, ќе се предвидат и санкции за времено затворање на субјектите што ќе го прекршат законот, пренесува „Макфакс“.
Во меѓувреме, Владата ги задолжила пазарниот инспекторат, Управата за јавни приходи, инспекторатот за труд и Државниот санитарен и здравствен инспекторат да спроведат заеднички контроли во сите субјекти за кои постои сомневање дека го прекржуваат Законот за заштита од пушење.
Ваквата одлука, според владини извори е донесена поради тоа што одредени субјекти и јавно манифестирале непочитување на законот и поради тоа ќе се проверува нивното целокупно работење.
OhridNews
