Четириесет и седум пациенти на кои им се оперирани колената во една болница во Берлин , биле жртви на лекарска грешка заради лош превод на упатството за имплантирање протези.
„ Тоа е непростлива грешка“, признал Рајнхард Нипер, шеф на институтот кој е спонзор на болницата Санкт Хедвиг. Сите пациенти имале проблем со зглобот на коленото, а протезата требало да им ја врати подвижноста.
Лекарите кои ја вградувале протезата, поради грешката во преводот од англиски на германски , не додавале цемент, што било неопходно.
Пациентите , оперирани помеѓу мај 2006 и март 2007 година, известени се за грешката, а една третина од нив изјавиле дека имаат проблеми со протезата. Половина од несреќниците се одлучиле за нова операција.
ohridnews
извор: beta
