Денеска започна првиот уписен рок на Универзитетот за информатички науки и технологии „Св. Апостол Павле“ – Охрид.
Првиот уписен рок за идните студенти на Универзитетот ќе се одвива и на 3-ти и 4-ти септември 2024 год.
Заинтересираните кандидати своите документи ќе може да ги поднесат од 8.00 до 16.00 часот во просториите на Универзитетот, посочуваат.
Повеќе информации за потребните документи може да се најдат во Конкурсот за запишување на студии од прв циклус објавен на официјалната веб страна www.uist.edu.mk, како и на социјалните медиуми на Универзитетот.
OhridNews
