Започна процедурата за изградба на ски центар на Јабланица информираше градоначалникот на Општина Струга, Рамиз Мерко по средбата со директорот на Агенцијата за промоција и странски инвестиции Дејан Павлевски и со директорот на консултанската компанија за туризам на Балканот од Италија, Даниеле Константини.
Ова е многу важен процес за нашата општина, како градоначалник за следните чекори ќе се консултирам со невладиниот сектор, локалната заедница, бизнис секторот и сите засегнати страни, рече Мерко по средбата.
Претходно, Агенцијата за промоција и странски инвестиции презентираше проект за изградба на скијачки патеки на планината Јабланица кај Струга и Вевчани со должина од 85 километри, 21 километар скијачки лифтови и два резервоари за производство на снег. Во проектот е предвидено изградба на 10 хотели, а вкупната вредност на инвестицијата за проектот на Јабланица би била околу 320 милиони евра.
