Новогодишното украсување на Охрид започна денес од централното градско подрачје. За украсувањето, предвиден е буџет во износ од околу 20.000 евра, информираа од Локалната.
За новогодишната ноќ во Охрид ќе биден организиран дочек на градскиот плоштад на кој ќе настапат диџеи, бендови и самостојни изведувачи исклучиво од Охрид. Исто така, за првиот ден од новата година предвидена е денска програма со охридска староградска песна во изведба на охридски музичари.
Како што истакна претходно градоначалникот Кирил Пецаков, најавени се странски туристи кои новогодишните празници ќе ги поминат во Охрид и од таа причина градот мора да биде подготвен да ги пречека гостите и не смее да се дозволи да биде неукрасен.
K.A.
