Започна Меѓународната едриличарска регата „International Ohrid Sailing Regatta“ која се одржува денес и утре во организација на Здружението за спортско едрење Акватика Јахтинг, а со поддршка на Едриличарската Федерација на Македонија, Општина Охрид и Агенцијата за спорт и млади.
На регатата учествуваат едриличарските клубови „Палиќ“, „Металац“ и „Смедерево“ од Србија, „Централен Софиски Јахт клуб“ од Бугарија, „GKZ“ од Полска и нашите клубови „Снегар“ и „Акватика Јахтинг“.
Натпреварите се одвиваат во три категории и тоа класите „Оптимист“, „ILCA 4“ и „класата 470“ на регатното поле на потегот меѓу Градското пристаниште, Канео и Горица 1.
OhridNews
фото. Б. Стојаноски
