Инспекциските служби на Агенција за храна и ветеринарство (АХВ) при спроведен редовен надзор на осумнаесетти овој месец во Охрид, од угостителски објект запленија и нештетно уништија небезбедна храна (месо и преработки од месо) во вкупна количина од 366 килограми.
Со контролата, покрај затекнатата небезбедна храна, утврдени се и недоследности во однос на хигиената кај овој оператор со храна. За пуштање во промет на небезбедна храна, на операторот изречена му е парична казна од 1000 евра во денарска противвредност и 400 евра во денарска противвредност за одговорното лице во правното лице, посочуваат од АХВ.
Додаваат дека и по однос на утврдените недоследности во поглед на хигиената, дополнително изречена му е истата висина на парична казна.
OhridNews
