Од денеска е замрзната сметката на АД „Макпетрол“. Одлуката доцна синоќа ја донел Судија за претходна постапка од Скопскиот Кривичен суд по барање на Скопското Обвинителство.
Замрзнати се сметките и на уште неколку фирми, потврдија за телевизија „Телма“ од Скопскиот Кривичен суд. Одлуката е донесена експресно иако според законот рокот за нивно донесување е до 72 часа.
Предметот е оформен уште пред една седмица од страна на скопското обвинителство, а МВР дури вчера ја објави информацијата за поднесената кривична пријава против 18 акционери во „Макпетрол“.
Веднаш по прес конференцијата Обвинителството го поднело барањето за замрзнување на сметката, а судијата истото го прифатил. Иако Обвинителството има отворено само предмет сметката е замрзната согласно последните измени на Законот за кривична постапка во која и без истражна постапка и обвинение им се оневозможува на фирмите да работат што влијае на нивниот бизнис како што е случајот со „Макпетрол“.
OhridNews
Извор:„Телма“
