Во периодот од 22 септември 2008 година, кога стапи на сила Законот за јавна чистота, до 18 септември 2009 година, Секторот за внатрешни работи Охрид издал 2.749 платни налози.
Вкупно на територија на целата држава од страна на полициските службеници се издадени 33.974 платни налози, при што на 14.976 граѓани по нивно барање им се издадени и записници за општокорисна работа.
Околу 90% од сторителите се на возраст од над 18 години, додека прекршоците во најголем дел се извршени на јавна површина – 32.962 прекршоци, соопшти МВР.
Во текот на овој период прекршочни санкции се изречени и против 200 правни лица, најчесто за фрлање и оставење на отпадоци од градежен материјал, превоз на песок и слични материјали без претходна подготовка и нивна заштита, мешање на бетон и малтер надвор од места определени од општината и сл.
Ohridnews
