Стратегот на Металург, единствениот македонски фудбалски преставник во Европа, Срѓан Захариевски допрва ќе ја скенира играта на кипарскиот противник Омонија. Металург во втората рунда во трилер меч го елиминираше Железничар и го направи најголемиот клупски успех со пласманот во третата рунда од Лигата Европа.
– Собравме информации за Омонија, допрва ќе ги гледаме снимките од нивните дуели со Будуќност, додека од помош ќе ни биде и познавањето на македонски фудбалери кои настапуваа во кипарското првенство. Се работи за квалитетна екипа, со голем број странци во составот, која сака да игра фудбал. Сепак, сѐ ќе зависи од нашата борбеност во дуелите, во кои ќе одиме да се надиграме со нив – вели Срѓан Захариевски, тренерот на Металург.
Омонија има 21 титула првак на Кипар и 14 трофеи во купот, за пласман во третата рунда беше подобра од Будуќност.
ohridnews
