Во текот на првото полугодие оваа година, во областа на класичниот криминал се регистрирани вкупно 12.224 кривични дела, што преставува намалување за 4,9% во однос на истиот период од 2008 година. Повеќе од половина кривични дела 6285 се регистрирани во Скопје, додека на подрачјето на СВР Охрид се регистрирани 593 кривични дела, соопшти МВР.
Ова полугодие во Македонија се извршени 17 убиства, од кои на подрачје на Скопје – шест, три во Охрид, по две во Прилеп и Куманово, и по едно во Тетово, Крива Паланка, Велес и Штип.
Во рамките на кривичните дела против слободите и правата на граѓаните, регистрирани се осум кривични дела „грабнувањ“, четири на подрачје на Скопје и по едно на подрачје на Охрид,Тетово, Гостивар и Куманово.
Од имотните деликти со елементи на насилство се регистрирани 20 кривични дела „изнуда”. Од нив шест се изршени во Скопје, три во Гостивар, по две во Тетово и Охрид и по едно во Битола, Куманово, Кавадарци, Кичево,Радовиш, Валандово и Сруга , а мотив во повеќето случаи е изнуда на парични средства поради наводен паричен долг, информираат од МВР.
Ohridnews
