Реализацијата на проектот “Компјутер за секое дете” што го реализира Владата на Република Македонија доцни во основните училишта. “Причина за тоа не се ниту министерството за информатичко општество, ниту Владата, туку неможноста да се постави скапа опрема каде што постои слаба електрична инфраструктура” информира заменик-министерката за информатичко општество, Мирјана Секуловска. “Чекаме да завршат градежните електрични инфраструктурни решенија, а потоа да ги поставиме компјутерите кои се веќе набавени”, додаде Секуловска и најави дека овој проект во основните училишта ќе биде реаизиран до крајот на годината.
Според неа во средните училишта, проектот “Компјутер за секое дете е комплетно реализиран. ” Со него ќе се постигнат високи ефекти во едукацијата на нашите ученици затоа што и учениците и родителите ќе сфатат дека под “компјутер” не се подразбира само забава и игра, туку напротив, едно помошно средство, една логистика која што ќе овозможи широк спектар на едукативност”, потенцира Секуловска. Компјутерите како што изјави таа се набавени по сите светски стандарди, со спецификација и со хардверска конфигурација соодветна на светските стандарди.
Инаку, заменик-министерката за информатичко општество во македонската Влада синоќа во Центарот за култура “Григор Прличев” имаше средба со граѓаните на Охрид и ги сослуша нивните проблеми.
А. Ристоска
