За непочитување на забраната за пловидба на Охридското, Прспанското и Дојранското Езеро, прекршителите ќе бидат казнувани со глоба од 300 до 3000 евра, соопшти Министерството за транспорт.
Глоба од 2.000 до 3.000 евра ќе им се изрекува на правни лица, од 500 до 1.500 евра на трговец поединец и од 300-500 евра на физички лица.
Одлуката за ограничување на пловидбата за скутери на Охридското, Преспанското и Дојранското Езеро во Службен весник беше објавена на 5.-ти овој месец. Ограничувањето на пловидбата на сила е до 20 август, во периодот од 11 до 18 часот.
Ваквата одлука според скутерџиите е апсурдна и негативно ќе влијае на туризмот во Охрид. Тие од Капетанијата побараа да иницира повлекување на забраната, во спротивно најавија тужби против неа и Министерството за транспорт.
Ohridnews
