Сите сопственици на објекти кои немаат фасади во рок од една година ќе мора да ги постават, доколку не го направат тоа следуваат мандантни казни кои за физички лица се движат од 100 до 500 евра, а за правни лица од 1000 до 3000 евра. Ова е една од новините предвидени со законот за градење кој се очекува да биде донесен наскоро.
Новиот закон предвидува правните лица кои се занимаваат со градежништво да поседуваат лиценци за работа, а за прв пат се воведуваат и рокови за завршување на градба. За јавните објекти рокот за изградба е до 10 години, а зградите и куќите до 4 години од кога одобрението за градење ќе стане правосилно.
Во иднина општините ќе бидат обврзани да издаваат решение за одредено барање за градба во рок од 5 дена. Доколку тоа не го сторат, инвеститорот ќе може да поднесе жалба за молчење на администрација до министерството за транспорт и врски кое ќе им наложи на општините во рок од 30 дена да донесат одобрение за поднесеното барање.
Исто така се предвидуваат и мандантни казни за вработените во општините, кои ќе се движат од 1000 до 2000 евра.
Ohridnews
