За градоначалникот немаше место на главната трибина на Античкиот тетар?

На свеченото отворање на фестивалот Охридско лето, синоќа на Античкиот театар, присуствуваа околу 3000 луѓе. Меѓу нив и тројца претседатели, владини министри, политичари, јавни личности. Најголемиот дел од познатите личности беа сместени во средината на трибинскиот простор, но меѓу нив не беше охридскиот градоначалник Александар Петрески. Тој со сопругата седеше во поттрибинскиот простор заедно со новинарите и техничките лица.  Петрески синоќа не даде коментар за сместувањето, па може само да се нагаѓаат причините зошто првиот човек на Охрид наместо на главната трибина,  седеше во импровизираното гледалиште.

Утрово, Општина Охрид излезе со официјално соопштение во кое се наведува дека: „на синокешното отворање на најпрестижната културна манифестација на Античкиот театар за првиот човек на градот домаќин, градоначалникот на Охрид – протоколот не најде место, но затоа на 2-3 реда зад и пред седиштата со претседателите, имаше место  дури и за министерски секретарки“.

– Во средини каде се почитува елементарната култура, првиот човек не само што е меѓу „главните“ гости туку е и  посебно поздравуван  бидејки, сепак, таа манифестација се врзува со името на градот а тој град има свој прв човек. Едноставна, срам  за манифестацијата и власта која и’ дава пари , но за своја  партиска „музика“, а не за градоначалникот, се наведува во соопштението на локалната самоуправа.

Од Дирекцијата ги демантиртаат ваквите обвинувања и тврдат дека дека по протокол градоначалникот било предвидено да седи на централната трибина и дека тој уредно бил поканет.