Во рамките на активностите на Министерството за внатрешни работи за спроведување на Законот за јавна чистота, во периодот од 08.00 часот на 29. 10. 2008 година до 08.00 часот на 30. 10. 2008 година, во Охрид биле издадени 12 платни налози. Сите прекршители биле полнолетни лица, а прекршоците биле направени на јавни површини.
Министерството за внатрешни работи од отпочнувањето со активностите за спроведување на законските надлежности по Законот за јавна чистота на 22 септември 2008 година и заклучно со активностите во текот на завчерашниот ден, на целата територија на државата издало вкупно 8.793 платни налози, од кои 436 платни налози се платени. Притоа, изготвени се вкупно 3.288 записници за општокорисна работа. Досега, по Законот за јавна чистота се поднесени 279 барања за поведување на прекршочна постапка, од кои на подрачјето на Охрид – 73 барања.
Ohridnews
