00:50Босанскиот натпреварувач Амел Чуриќ е победник на регионалното музичко шоу „X Factor Adria“. Во финалниот дуел со нашиот Боби Мојсоски тој освои повеќе гласови од публиката. Амел во финалето ја изведе песната „Да те богдо не волим“ на „Бијело Дугме“, додека Боби настапи со „Bed of roses“ на „Bon Jovi“.
Успехот на охриѓанецот Боби Мојсоски дотолку е поголем ако се има предвид фактот дека тој во супер финалето на „X Factor Adria“ настапи со бронхитис.
Победникот на шоуто добива парична награда од 20.000 евра.
00.00Охриѓанецот Боби Мојсоски и Босанецот Амел Чуриќ ќе пеат за победа во регионалното музичко шоу „X Factor Adria“. По вториот круг од супер финалето испаднаа Ива Чуриќ и групата „Highway Trio“. Предмалку најпопуларниот европски фестивал „Егзит“ соопшти дека сите финалисти на „X Factor Adria“ ќе добијат покана за настап на 15-то издание.
23.41Уште еден фантастичен настап имаше македонскиот претставник во супер финалето на регионалното музичко шоу „X Factor Adria“, Боби Мојсоски. Тој во вториот настап во супер финалето кое се одржува во „Комбанк“ арената во Белград ја изведе култната песна на Фреди Меркјури (The Queen) „Show must go on“ и предизвика делириум во публиката, а од стручното жири доби фантастични критики.
23.02Единствениот македонски претставник во супер финалето на регионалното музичко шоу „X Factor Adria“, кое се одржува вечерва во „Комбанк“ арената во Белград, Боби Мојсоски, се пласира во вториот круг, односно меѓу 4-та најдобри.
Во првиот круг од супер финалето Боби настапи со песната „Полско цвеќе“ на Тоше Проески и ја воодушеви публиката, a стручното жири не штедеше комплименти за него.
Супер финалето го напуштија бендот „9 Control“ и Магдалена.
Во вториот круг од супер финалето испаѓаат уште двајца кандидати, по што ќе биде одлучен победникот.
Победникот на „X Factor Adria“ ќе го одлучи публиката. Покрај Боби, во супер финалето останаа и „Highway Trio“, Амел Чуриќ и Ивана Чуриќ.
Специјален гостин на жоуто е Џејмс Артур победник на британскиот „X Factor“.
OhridNews
