SoulSite.de, најпознатиот он-лине музички магазин за soul-фановите во Германија во својата рецензија http://www.soulsite.de/sonic/groovenbeaz/review.shtml?id=732 го прогласи „We will never end“ на охриѓанецот Владимир Четкар за најдобар soul-jazz албум оваа година. Строгите критериуми на германскиот on-linе магазин го оценија Албумот на Владимир со 9.5 од мoжни 10 бода, што претставува една од највисоките оцени која SoulSite.de воопшто ја има дадено, и која е повисока од сите последни изданија на светски познатите музички куќи како Blue Note, Verve, Stax и други!
Во беспрекорната рецензија се зборува дека We will never end“ успева да ни ги понуди најпрекрасните soul и jazz звуци оваа година за само половина час. Понатаму се вели дека од самиот старт на албумот слушателите се „киднапирани“ од магијата на албумот. Агилниот и брз грув, блескавите виолини, меките дувачи, нежното „Fender Rhodes“ соло и вокал кој потсетуваат на невиниот и релаксиран глас на Michael Franks, додека гитарската виртуозност на Владимир Четкар рецензентот ја споредува со онаа на големите George Benson i Earl Klugh!
Слична паралела прави и шпанскиот сајт Acid Jazz Hispano кој албумот на Четкар го споредува со George Benson, Quincy Jones, Roy Ayers и Earth Wind and Fire.
http://lnx.indajaus.com/acidjazzhispano/content-2230.html
Во меѓувреме најпопуларната соул музичка страна во Америка, SoulTracks во својата месечна Топ 10 листа го вклучи и „We will never eнd“ на Владимир Четкар заедно со Dianne Reeves, една од најголемите вокални диви на светската модерна музика.
ohridnews
