Филмското студио “Warner Bros” ја одложи премиерата на “Gangster Squad”, криминалистичка драма која влучува многу сцени со вооружени пресметки од која една се одвива во кино сала и е слична со трагичниот настан кој се случи во Колорадо на премиерата на филмот “The Dark Knight Rises”.
“Gangster Squad” е филм за криминалците во Лос Анџелес кои владееле со подземјето на градот во текот на 50тите години од минатиот век. Премиерата на филмот беше закажана за 7ми септември оваа година но поради трагичиниот настан во кој загинаа 12, а беа повредени 58 лица кој се случи во Колорадо, САД пред само неколку дена истата се одложи до 11 јануари 2013 година.
Од студиото не сакаа да коментираат дали делови од филмот ке бидат одфрлени или преработени .
