Веселин Вујовиќ е нов тренер на македонскиот ракометен шампион Вардар. Одлуката е соопштена на денес од страна на претседателот на Вардар 1961, Михајло Михајловски.
Црногорскиот ракометен стручњак ќе ги предводи вардарци по трет пат. Претходно во Скопје работеше од 2006 до 2009 година и од 2011 до 2013 година.
Вујовиќ на тренерската функција во Вардар ќе го наследи Стевче Алушовски кој го предводеше тимот до „двојна круна“ во сезоната 2020/21.
Покрај новиот тренер, првиот човек на Вардар, Михајловски го презентираше ростерот за следната натпреварувачка сезона. Екипата ќе биде засилена на неколку позиции, кои беа едни од послабите алки во сезоната која вчера официјално заврши.
- Составот на Вардар за сезоната 2021/22:
Голмани: Борко Ристовски, Мартин Томовски, Васил Гогов, Али Сафар
Леви крила: Тимур Дибиров, Јан Чувара, Димитар Димитриовски
Десни крила: Гоце Георгиевски, Дарко Ѓукиќ, Ален Ќосевски
Кружни напаѓачи: Стојанче Стоилов, Патрик Валчак, Џереми Тото
Леви бекови: Филип Талески, Марко Мишевски, Анте Кудуз
Средни бекови: Анте Гаџа, Мартин Карапалевски, Стефан Крстевски
Десни бекови: Едуардо Гурбиндо, Томислав Јагуриновски, Давид Савревски
OhridNews
