Охридскиот моделар Климент Масин од Аеро клубот Охрид го освои сребрениот медал во дисциплината F1B на Светскиот Куп кој се одржа во Прилеп.
Охриѓанецот со второто место на пиедесталот го направи најголемиот успех за Македонија на првенство во светски рамки. Првата и третата позиција ја „резервираа“ натпреварувачи од Израел.
Оваа недела на истиот терен и во истатата дисциплина F1B ќе се одржи Европското првенство за јуниори, а единствен македонски преставник е Александар Цветаноски. Тој ќе атакува на висок пласман, исто како и неговиот клупски колега Климент Масин.
Следниот месец охридските моделари во Унгарија во состав Климент Масин, Митко Цветаноски и Аљоша Атанасов ќе бидат дел од Светското првенство за сениори. Таму ќе се натпреваруваат 300 моделари од 42 држави од целиот свет.
OhridNews
