Раководството на СДСМ во рамки на посетата на регионот кој го опфаќа петтата изборна единица денеска одржа работен состанок во Охрид. На состанокот кој заврши доцна попладнево, станало збор за стратегијата на партијата за претстојните локални и претседателски извори. Притоа било истакната важноста СДСМ и натаму да раководи со Охрид како важаен стратешки центар во Македонија, за што партијата ќе вложи максимални напори да ја задржи локалната власт. Покрај Охрид, СДСМ очекува да победи во поголемиот број општини во земјава, како и на претседателските избори, за како што било истакнато на состанокот да се воспостави политички баланс во земјата и да не се дозволи ВМРО ДПМНЕ да освои апсолутна власт. Тоа не е добро ниту за демократијата ниту за државата, изјави Заев пред почетокот на работниот состанок. „ВМРО ДМПМНЕ сака да наметне еднопартиски систем. Нашата намера е да не дозволиме во Македонија да владее едноумие“, рече Заев.
На состанокот иако се разговарало за претстојните локални избори не станало збор за конкретни имиња на кандидати за градоначалници, вклучително и за Охрид. Но Заев пред состанокот јасно стави до знаење дека СДСМ силно типува на Охрид на претстојните локални избори. Охрид напредува благодарение на власта која ја практицира СДСМ и тоа може да се забележи на секој чекор рече Заев. Според него досега сработеното од администрацијата на градионачалникот Александар Петрески, ќе биде адут на партијата на претстојните избори. Постапката за избор на кандидати за градоначалници како што било договорено на состанокот во Охрид, ќе биде отворена наредната недела, а кокнкретните имиња ќе бидат познати до 15 декември. До тогаш нема да се разговара ниту за потенцијалниот кандидат на партијата за претседател на државата, кој СДСМ засега го чува во тајност.
