Со одлука на посебната владина комисија за враќање на имотите на верските заедници, на МПЦ и се вратени 6500 метри квадратни атрактивен имот во Градиште. Земјиштето кое се протега на трите најатрактивни плажи на охридската ривиера е во сопственост на црквата Св. Богородица во Пештани, која спаѓа под Дебарско-кичевската епархиха.
Имотот на МПЦ и бил вратен пред почетокот на летото. Во иднина со него ќе располага црквата, но засега не се соопштува начинот на кој ќе се прави тоа, односно дали и натаму атрактивните плажи ќе бидат издавани за комерцијални цели.
Покрај МПЦ имотите во Градиште ги бараат и триесетина фамилии од Пештани. Тие побаруваат околу 150.000 метри квадратни, а дел од нив правдата решија да ја бараат пред меѓународниот суд во Стразбур.
Ohridnews
