Волфганг Р., возач на автобус во градскиот превоз во Виена и вратил на една постара патничка 390 илјади евра кои ги заборавила во неговото возило. За време на контролата на возилото на последната станица тој пронашол ташна на седиштето зад неговото. Возачот, кој од безбедносни причини морал да ја отвори ташната, рекол дека најпрво помислил дека станува збор за лекови или некои други предмети, но набрзо видел дека тоа се банкноти од по 500 евра. Откако видел за што станува збор го известил диспечерот и полицијата. Виенската полиција ги презела парите и според некои документи во ташната го открила сопственикот.
Станувало збор за една постара жена, која со себе ја понела цела заштеда. Во меѓувреме парите биле вратени на сопственичката, а возачот на автобусот засега не добил никаква награда, бидејќи државните службеници немаат такво право. Инаку, наградата за пронајдени предмети изнесува околу пет проценти од вредноста, а доколку вредноста надминува 2000 евра, процентот за награда се намалува. Виенскиот градски превоз е горд на својот вработен. Инаку, годишно во градскиот превоз во Виена се пронаоѓаат околу 19 илјади загубени предмети.
