Водостојот на Охридското Езеро и натаму бележи опаѓање. Според вчерашните мерења, нивото на Охридското Езеро се наоѓа на 693,85 метри надморска височина, односно десет сантиметри над горната утврдена граница.
Од езерото во Црн Дрим се испуштаат 60 метри кубни во секунда, а во опаѓање се и водостоите на реките од езерското сливно подрачје.
Највисокиот водостој на Охридското Езеро годинава беше измерен на 11 март, кога нивото ја достигна котата 694,01 метар надморска височина односно 26 сантиметри над максималната горна граница.
OhridNews
