Филмски вооружен грабеж во Прилеп на возило на “Стопанска банка А.Д. Битола” од кое се украдени околу 450.000 евра.
Настанот се случил попладнево околу 13 часот на излезот од Прилеп кон Битола, кај Паркот на Револуцијата, кога засега двајца непознати маскирани и вооружени напаѓачи со своето возило марка “Рено кампус” со жолта боја и прилепски таблици, му го попречиле патот на возилото марка “Голф” во сопственост на “Стопанска Банка А.Д. Битола”, со кое двајца службеници ги пренесувале парите.Напаѓачите тогаш излегле од возилото и започнале да пукаат во воздух, ги принудиле службениците да излезат од возилото, при што еден од напаѓачите со пиштолот го удрил по глава еден од вработените во банката и му нанесол полесни повреди. Потоа напаѓачите го украле возилото на банката и заедно со парите во него се упатиле во непознат правец.
Од СВР Битола соопштија дека украденото возило веќе било лоцирано оставено празно на само неколку километри од настанот. Поставени биле полициски блокади во околината, а подетални и нови информации се очекуваат утре.
извор: А1
