Половина од децата тврдат дека во нивното училиште има насилство, се наведува во Детскиот алтернативен извештај за состојбата со правата на децата во Република Македонија што деновиве беше презентиран од Првата детска амбасада во светот Меѓаши.
Според извештајот три четвртини од децата во Македонија не ги знаат своите права, а една третина од нив тврдат дека професорите односно наставниците не ги почитуваат нивните права. Само шест проценти од децата се запознаени со СОС – телефонски број каде можат да се обратат за помош.
Извештајот кој опфаќа едногодишен период, го изработија децата вклучени во проектот „Градење култура на детско учество“, финансиран од Европската комисија и УНИЦЕФ.
Ohridnews
