Во тешка сообраќајна несреќа на улицата “Железничка” животот го загуби едно лице

Вечерва околу 18 часот на улицата “Железничка” се случила тешка сообраќајна несреќа во која животот го загуби едно лице.

Според првичните информации од СВР- Охрид до несреќата дошло кога моторцикл- скутер на кој се возеле три лица од улицата “ Абас Емин” свртел на “Железничка” при што удрил во камион.

При тоа, од здобиените повреди на лице место починало едно лице на 30- годишна возраст. Вториот сопатник кој се здобил со тешки телесни повреди и е во животна опасност, е пренесен во Општата болница. Додека пак третото лице кое се наоѓало на скутерот е вон животна опасност и пренесено на лекување во Специјалната болница за ортопедија и трауматологија Св. Еразмо.

Екипите на СВР- Охрид вршат увид на лице место и со подетални информации ќе излезат во текот на утрешниот ден.