Општина Охрид распиша Конкурс за избор на „Најдобрите од спортот во општина Охрид“ за 2022 година. Ќе се избира: Спортист/ка на годината, Спортска надеж, Тренер на годината, Спортска екипа на годината (мажи и жени), Спортист/ка – странец кој настапува во екипа од Охрид, Спортист/ка – од Охрид кој настапува надвор од територијата на општина Охрид, Спортист/ка во категоријата на лица со посебни потреби и Спортска легенда – за посебни заслуги во спортот.
Наградите и признанијата за најуспешните спортистки и спортисти, тренер и спортска екипа во Охрид, се доделуваат за постигнати резултати во индивидуален и во клубски спорт во тековната година, на спортистки, спортисти и тренери кои настапуваат за спортски клубови, чиешто седиште е во Охрид.
Наградите и признанијата за Спортист/ка – странец кој настапува во екипа од Охрид, Спортист/ка – од Охрид кој настапува надвор од територијата на општина Охрид и Спортист/ка во категоријата на лица со посебни потреби, се доделуваат на жители на Охрид за постигнати резултати во индивидуален и во клубски спорт во тековната година, на спортистки и спортисти кои настапуваат за спортски клубови на територијата на општина Охрид и надвор од неа.
Наградата и признание за Спортска легенда – за посебни заслуги во спортот се доделува на лице родено во Охрид за промоција,развој и постигнати резултати во областа на спортот.
Конкурсот трае до 20 јануари, а право на предлагање на кандидати за изборот на најуспешните, имаат спортските клубови и нивните членови, чиешто седиште е во Охрид, како и физички лица.
Одлуката за избор на најдобрите спортисти, тренери и спортски екипи во Охрид ја носи комисија, според однапред утврдени критериуми.
Повеќе детали за Конкурсот за доделување награди и признанија во изборот на најуспешни спортистки и спортисти, тренер и спортска екипа на Охрид, за 2022 година, може да најдете на следниот линк.
Г.М.
