Вчеравечер, околу 19 часот и 45 минути, на улицата Марко Цепенков се случила сообраќајна несреќа, во која со тешки телесни повреди- скршеница на левата подколеница се здобила седумнесетгодишна девојка од Охрид. Девојката била сопатник на велосипед со мотор. Повредената за кратко време, со брза помош била пренесена во болницата “Св Еразмо”, каде е задржана за понатамошно лекување. Лицето кое управувало со велосипедот со мотор се здобило со лесни телесни повреди.
До незгодата дошло кога велосипедот со мотор започнал да заобиколува паркирано моторно возило, при што се судрило со патничко моторно возило Пежо 306. Од силината на ударот и по инерција, велосипедот со мотор се придвижил нанапред и се удрил и во автомобил “Лада нива”.
Увид на лице место изврши полициска екипа од СВР Охрид и дежурен истражен судија од Основниот суд Охрид.
Ohridnews
