Поради основано сомнение дека е сторител на едно кривично дело “Недозволено изработување, држење и тргување со оружје или распрскувачки материи “Секторот за внатрешни работи Охрид, поднесе кривична пријава против лицето М.Р.. родена 1963 година од Струга со привремен престој во Швајцарија. Пријавената е лишена од слобода а од страна на Истражен судија при Основниот суд во Охрид, одредена и е мерка притвор во траење од 30 дена, соопшти СВР Охрид.
   
Во нејзиниот личен багаж, полициските службеници од Полициската станица за гранична контрола ,,Аеродром,, на ден 09.08.2009 година, пронашле едно огнено оружје  пиштол марка ,,Чешка зброевка,, калибар 7,65 мм. и вкупно 60 куршуми од истиот калибар кои, пријавената нелегално ги поседувала. Истиот ден, во 04 часот и 15 минути, таа требало да патува со авион на летот Охрид-Цирих. При контрола на багажот, во торбица од видео камера пронајден е расклопен пиштол и 60 куршуми од кои еден дел биле растурени низ патната торба. Оружјето и муницијата било вешто сокриено и неможело да биде забележано на рендгенската контрола при излез од РМ.

На лице место,направен е криминалистичко-технички увид при што одземени се оружјето и муницијата и предадени на вештачење во МВР на РМ. Од извршените дополнителни мерки, констатирано е дека пронајденото огнено оружје не постои во евиденциите на Министерството за внатрешни работи на РМ.

Од СВР Охрид информираат дека истрагата е проширена и дека притворената е осомничена и за загрозување на безбедноста.

Ohridnews