Повеќе од 180 информатичари и претставници на најмоќните IT- компании од 13 држави од Југоисточна Европа, -ЈИЕ учествуваат на конференцијата за информатичка технологија, што денеска започна во Охрид. Во рамки на конференцијата ќе се одржи VI Конгрес на Асоцијацијата за информатичка технологија и бизнис во ЈИЕ (СЕЕИТА) и 5-иот Отворени денови на македонската Стопанска комора за информатичка и комуникациска технологија (МАСИТ).
На дводневниот собир, што го организираат Стопанската комора за информатички и комуникациски технологии МАСИТ и УСАИД, ќе стане збор за најновите информатички достигнувања и развојот наIT– технологијата.
Според организаторите конференцијата во Охрид, ќе биде можност за зајакнување на регионалните бизнис врски меѓу IT–компаниите во регионот на ЈИЕ, соработка на заеднички проекти, меѓусебно информирање за регионалните бизнис трендови, како и за размена на информации за актуелните случувања и проблемите со кои се соочува IT–индустријата во овој дел од Европа.
Ohridnews
