Службите за спречување на недозволената трговија со дроги при СВР Охрид во периодот од јануари до септември оваа година регистрирале над 40 кривични дела од областа на недозволена трговија со дроги.
На подрачјето на ПС Охрид регистрирани се 29 кривични дела “неовластено производство и пуштање во промет наркотични дроги, психотропни супстанции и прекурсори„ и 20 “овозможување на употреба наркотични дроги”, при што се запленети пет килограми и 169,72 грама марихуана; 8,96 грама хероин; 95,36 грама хашиш; 65 таблети екстази; 0,1 грам кокаин, 194 милилитри метадон; 20 таблети хептанон, 20 милилитри апаурин, осум стебла и 51 парче семе од растението “канабис сатива“.
На подрачјето на ПС Струга откриени се 12 кривични дела “неовластено производство и пуштање во промет наркотични дроги, психотропни супстанции и прекурсори” и три “овозможување на употрена наркотични дроги”, и е запленето 270,36 грама марихуана, 19,9 грама хероин и 17 семки од растението “канабис сатива“.
