Во периодот од јануари до јуни оваа година, на територијата на општина Охрид регистрирани се 23 случаи на семејно насилство, соопшти МВР.
На територијата на целата држава во првите шест месеци од годината случени се вкупно 193 кривични дела, а регистрирани се 2.228 случаи на семејно насилство. Покрај физичките напади кои доминираат во семејното насилство случени се и три убиства од кои две во Охрид. Првото убиство е извршено од сопруг поради нарушени брачни односи со сопругата и патолошка љубомора, а второто од лице кое со жртвата било во вонбрачна љубовна врска. Третото убиство се случило во Скопје каде севкупно се регистрирани најмногу случаи на семејно насилство – 80.
Во анализираниот период СВР Охрид поднел 38 барања за поведување прекршочна постапка.
Во најголем број жртви на семејно насилство се жени-319, а двојно помал е бројот на жртвите од машки пол -168. Според роднинската врска со сторителот, најмногу малтретирани се сопруги-174, потоа 124 родители, 71 дете, а останатите се во помал број. Како сторители најчесто се лица од машки пол и тоа 429, а само 32 се жени. При извршување на прекршоците 146 од сторители биле под дејство на алкохол, седумина под дејство на дрога, додека 64 извршиле малтретирање како резултат на психичко растројство.
