Во Охрид почнува Втората Конференција за меѓурелигиски дијалог

Над 300 претставници од сите религии од целиот свет, политичари, теолози и експерти ќе земат учество на Втората Конференција за меѓурелигиски ми меѓуцивилизациски дијалог што денеска започнува во Охрид. Културата и религијата како нераскинлива врска меѓу народите е главна тема на тридневната конференција, која ќе финишира со усвојување заеднчка Декларација.

Во Охрид допатуваа претставници на сите верски заедници. Ватикан ќе го претставува специјален претставник на Папата, а православната црква ќе ја претставуваат двајца архиепископи, повеќе митрополити и други високи свештеници, додека изостана присуството на претставници на Српската, Бугарската и Грчката православна црква и Вселенската патријашија.

Настанот кој привлекува големо внимание ќе го проследат над 100 акредитирани новинари од целиот свет.

Организатори на Конференцијата се Министерството за култура во соработка со Комисијата за односи со верските заедници на Република Македонија. Конференцијата се организира во рамки на Меѓународна година на ООН за зближување на културите.