Во последните 24 часа регистрирани се 320 нови случаи на КОВИД-19, од направени 3.366 тестирања. Во истиот временски период регистрирани се и осум починати лица, но и 214 оздравени пациенти.
Согласно податоците од Институтот за јавно здравје во последните 24 часа се направени 3.366 тестирања, а регистрирани се 320 нови случаи на КОВИД-19. Од нив, во Скопје – 165, Прилеп – 26, Охрид –18, Кавадарци – 16, Битола – 11, Велес – 10, Куманово – 8, Струмица – 7, Тетово и Ресен – по 6, Гевгелија, Радовиш и Валандово – по 5, Кичево и Кочани – по 4, Штип и Берово – по 3, Гостивар, Неготино, Крива Паланка, Делчево, Богданци, Македонски Брод и Македонска Каменица – по 2, Свети Николе, Виница, а во Пробиштип и Демир Хисар – по 1, информираат денеска од Министерството за здравство.
Регистрирани сe 214 оздравени пациенти од нив 6 од Охрид.
Во текот на изминатите 24 часа регистрирани се 8 починати лица од кои 3 од Скопје (56г, 64г и 80г), две починати лица од Кавадарци (29г и 59г), и по едно починато лице од Велес (77г), Охрид (72г) и Ресен (72г). Од пријавените сите лица се починати во болнички услови.
Согласно Регистарот на умрени лица со дијагноза КОВИД-19 од Мој Термин, пријавени се дополнително 7 лица, починати во период од 14-19.12.2021 година. Починатите лица се од Пехчево (2), Куманово (1), Охрид (1), Кавадарци (1), Свети Николе (1) и Тетово (1). Починатите лица се на возраст од 42г до 85г. Од пријавените, 3 лица се починати во болнички услови, а 4 лица се починати во домашни услови, соопштуваат од МЗ.
OhridNews
